يؤ رخييص .. موو عدل

السلام عليكم ورحمة الله وبركاته
صباح \ مساء الخير على الجميع

هذا الموضوع كان يدور في بالي من زمان
وابغى نتناقش فيه مع بعض من خلال بعض المواقف التي تمر علينا في حياتنا اليومية بعض .. هااا شرايكم ؟؟؟

المشهد الأول :
ندى : بت خالتي وين حجزتي حق زواج عمش؟؟
سوسن : حجزت عند وحده تعدل في بيتهم تعديلها حليو وبـ 50 المكياج عندها
ندى : يوووووه بـ 50 اكيد مو عدل ...ليش ماحجزتي في مركز (...........) في الخبر الكل عليهم و وعندهم زحمة
سوسن : ويش يوديني الخبر خليني اربح بنت ديرتي ولا اربح الغريب
ندى : على كيفش يالبخيله

المشهد الثاني :
( بائع في سوق متجولة مع شريكه )
الحرمه : بكم حجي هاذي الشباصة ؟؟؟
البائع : الوحده بـ 3 ريال وثنتين بـ 5 ريال
الشريك : اخوك هالبضاعة جديدة وما انباع ولا شي هالشهر منها والحل ؟؟؟
البائع : الله يسهل المهم انا باروح اسبوع المدينة وانت هالله هالله في الحلال
( بعد مضي اسبوع عاد البائع من السفر لقى البضاعة كلها انباعت )
الشريك : تفضل أخوك الفلوس ماقلت لك ان الحريم عقولهم صغيرة خخخخ ويدورو الشي الغالي
يوم رفعت سعر الشباصة الوحده لـ 5 ريال كل البضاعة خلصت

المشهد الثالث :
( روان مع خالتها يتكلمو عن الفساتين الي شافوهم في عرس قريبتهم )
روان :<< عاجبنها فستان احمر شافته في العرس وناويه تستأجره
خالتها : شفتي الفستان الاحمر الي عاجبنش ؟؟ ترى صاحبته تقول كلفها 500 ريال مع القماش والتفصيل
روان : يووووه يعني مو عدل
خالتها : تقولي عاجبنش روحي استأجريه من عندها بـ 100 ريال ههههه
روان : اني تبغيني ألبس فستان بـ 500 ريال ويش تبغي الناس يقولو عني

الزبدة
احنا يالحريم عندنا اعتقاد خاطئ ان كل شي رخيص يعني مو عدل
ودايما نحب نتفاخر قدام بعضنا وين فصلت فستاني ومن وين شريت طقم الكنب لصالتي
وباروح بتعدل في المركز الفلاني الي تعديلهم بشي وشويات
ووو .... ....وووو... لو اعد من هنا لللصبح مابخلص
وكل على ظهور هالرجال مساكين .. بعد اذا الرجال مقتدر ماعليه
الا الحين هالشباب حالتهم صعبه والراتب يادوب يكفي المصاريف الاساسية

فأتمنى من الاخوة والاخوات بالتحديد
المشاركة في هذا الموضوع ووضع الحلول المناسبة
لمحاولة التغيير من هذا الاعتقاد الخاطئ لدى بعض النساء
ويمكن هذا الاعتقاد يكون موجود عند بعض الرجال
ولكن النساء اكثر ..

ههههههههههههههههه

شكرا على الموضوع الشيق

نعم هناك من يعتقد ان الأمور كلها سهلة

الأموال الذي يمتلكها الزوج قد تكون كلها في موضع اللهو الذي يحبونه النساء

لاحرمنا الله من هذه المواضيع الجميلة

مشكـوور أخي نسر التانجـو على ردوودكـ الدائمهـ

أنتظـر نقاشاتكـم في هذا الموضوع .. الي هو ظاهرة منتشررة في هذه الاياام