عبودى وحمودى ومقلب آآخر موديل!!!

السلام عليكم ورحمة الله وبركاته مرحبا بكم اعزتى الكرام فى برنامجنا

<ـــ ضيع الأخ يحسب انه بالقناه الإخباريه هههههههههههههههه

اليوم جاي اقول واطرح لكم احلى مقلب سويته بحمودى المشاكس ههههههههههههههه

كان يا مكان فى قديم الزمان <<<ــ وين يالطيب قصه ألف وليله وليله وش فينى اليوم !!!

المهم مالكم بالطويله كنت مع حمودى امس نتمشى نفرفر ومع السوالف والوناسه كان حمودى يبى

يدق على واحد من الشباب وطلع ناسى جواله الأخ بالبيت <ــــ يقول بنفسه ايه اقتنعت فعلا ان السلك

اللى بمخ حمودى فصل من جد ... المهم قال ابى ارجع البيت يبى جواله قلت له اوكى المهم وصلنا

لبيته ونزل للبيت يجيب جواله انا انتظره بالسياره <<ـــ راح يجب ان 95 على غفله كله الوليد
والكاميرا معطوبه بعد ههههههههههههههه

انا كنت العب بالمسجل وفجأه لقيت بوك حمودى على المرتبه طاح من جيبه قلت ايه جت الفرصه

لين عندك يا عــبــــودى استغلها احلى استغلال وخذيت منها بطاقة الأحوال والرخصه والإستماره

<ـــــ من جد خبيث هههههههههههههههههههههههه

ورجع حمودى ومعه جواله الكشخه ههههههههههههههههههههههه ابو كاميرا معطوبه !!!

ورجعنا نفرفر وقلت لحمودى خلنا نمر الشارع اللى ورى بيتنا نشوف وش فيه قال اوكى ما عندك

مشكله <<ـــــ والله مسكين حمودى ما يدرى وش راح يصير فيه <ــــ كسر خاطره حمودى

ولما وصلنا للشارع لقينا فيه تفتيش مو طبيعى ويوم وقفنا عند العسكرى قال لحمودى الإثبات

والرخصه والإستماره وحمودى بكل ثقه مد يده لجيبه يبى يطلع البوك جلس يدور الرخصه واللإثبات

ما حصل شئ المسكين ارتبك وقام يدور بالسياره كلها ما حصل شئ وانا حاط رجل على رجل

واقوله اخلص على وراى شغله ضروريه <<ـــ ما وراى الا الضحكه اللى انا ماسكها من اليوم

العسكرى قاله ما حصلت شئ قال حمودى للعسكرى ما حصلت قال اجل تشرفنا بالقسم

<<ــ قسم خمس نجوم على غفله هههههههههههههههههه

واخذو حمودى وركبوه بالدوريه واخذوه للقسم والعسكرى قال لى جيب اثباتاته وتعال للقسم

انا طبعا قمت اتمشى بالسياره ورحت للمقهى وقعدت فيه شوى وفليتها ورحت البيت اشوف يمكن

عندهم مقاضى يبونى اجيبها لهم <<ـــ مصلح اهتمام بالبيت الحبيب ههههههههههههههه

وفجأه وانا اتمشى ضرب عندى جرس التنبيه نفس اللى بالمسن واتذكرت ان عندى صديق اسمه

حمودى وموجود بالقسم وقلت ايه خلنا نشوفه وش سوى الرجال وطبعا اثباتات الرجال معى

ورحت القسم بعد تقريبا ساعه الا ربع بعد ما خاس حمودى بالتوقيف وكره حياته اللى هو فيها

ورحت القسم وعطيت الظابط اثباتات حمودى وطلع واخلاقه الرجال تجاريه على ما قالوا

يعنى مقفله معه ههههههههههههههههههههههههههه

و قلت لحمودى خلنا نتعشى قال اى عشى الله يرحم والديك تونى طالع من التوقيف وتبينا نتعشى



<<ــــ للحين الحبيب ماسك الضحكه ههههههههههههههههههههه

وبالأخير قبل ما ينزلنى حمودى للبيت قلت له تتذكر يوم سويت المقلب بخوينا حتى حلمى يوم جبت

عليه العسكرى يوم كنا بالمحطه قال لى ايه اتذكر وش اللى طرى لك موضوعه الحين قلت له

انا رديتها لك يا حبيبى ويا صديق دربى انا اللى ماخذ اثباتاتك ومخفيها عندى من اليوم وانت اكلتها

احلى توقيفه لعيون حتى حلمى حمودى قفلت اخلاقه زياده قال لى يا رجال انا سويت فيه مقلب خفيف

اما انت خليتنى اتوقف تقريبا ساعه والاثباتات معك الله يرجك من جد انت خبيث وبنخاف منك


<ــــ ما قصرت يا حمودى طالع عليك يا قلبى ومنكم نستفيد انت ابو المقالب كلها وهذا جزء بسيط من اللى تعلمته منك ههههههههههههه

بالله حبايبى انتظر ردودكم على أحر من الجمر ولا تحرمونا منها يا لبى قلوبكم ........

ههههههههههههههههههههههههههههههـ

مشكــــــــــــــــــــــور
اخــــــــــــــــــــــي
الدلـــــــــــــــــــوع