حشوات السمبوسة

السلام عليكم ورحمة الله وبركاته
كل عام أنتم بخير
جبت لكم حشووااااات تهبل
وحبيت انقلها اليكم

سمبوسة اللحم :

المقادير

نص كيلو لحم مفروم
5 بصلات كبيره مفرومه
4 فصوص ثوم مفرومه ناعم
رشةكمون ناعم
رشة كزبره ناعمه
فلفل اسود وملح
ملعقة اكل كزبره خضره مفرومه

الطريقه:

حطي اللحم على النار في مقلاة واسعه وخليه على نار قويه لحد ما ينزل مايه ويتبخر قبل لا ينشف حطي البصل والثوم والبهارات
خففي النار وخليه مغطي يتسبك 10 دق
قبل لا تطفين عليه حطي الكزبره عشان ريحتها وارفعيها
واذا حابه تحطي معاهاجزر ميشور وبطاطس مقلي وبيضه مسلوقه ومبشوره تطلع حلوه

سمبوسة الدجاج :

المقادير:
دجاجه مسلوقه مفتته
3 بصلات مفرومه
فصين ثوم مفرومه
ذرة
جزر مبشور
ملح وفلفل وبهارات
3 ملاعق جبن سائل

الطريقه:
حمري البصل والثوم بشوية زيت حتى يذبل اضيفي الدجاج والبهارات وخليها على نار هاديه
بعدين اضيفي لها الجزر والذرة وخليها لحد مايذبل الجزر واخلطيها مع الجبنة
واحشي فيها السمبوسة

سمبوسة البيتزا :

المقادير:
كوب جبن مزارولا مبشوره
جبن كرفت مبشوره
كوب زيتون اخضر الشرايح بس نقطعه صغار
بصله متوسطه مفرومه ناعم
حبة فلفل اخضر مفرومه ناعم
علبة مشروم مفرومه
رشة زعتر

الطريقه:
تخلط مع بعض
وتحشى بالعجينه

سمبوسة الخضار بالبقدونس :

المقادير:
كيس كيلو خضار مشكله (جزر- بزاليا-بطاطس-ذره)
3بصلات مفرومه معاها فصين ثوم مفرومه
بقدونس مفروم
ملعقة مشكله من الهارات

الطريقه:
اسلقي الخضار نص استوى
احمسي البصل والبهارات والبقدونس
اضيفي الخضار وقلبيها مع بعض
اتركيها لحد ماتبرد وبعدين احشي السمبوسة

سمبوسة مع صلصة الصويا :

المقادير:

كوبين ملفوف مقطع شرائح رفيعة
كوب جزر مقطع شرائح رفيعة
حبة فلفل اخضر+حبة فلفل احمر+حبة فلفل اصفر مقطعه شرائح
حبتين بصل شرائح
نص فنجال شاي صلصة صويا

الطريقه

حمري البصل الى ان يذبل شوي اضيفي باقي الخضار وقلبيها على النار وحركيها شوي
غطيها بس خمس دقايق عشان لا تذبل واكشفيها وقلبيها لحد ما تنشف اضيفي الصويا وبس تشربها سكري عليها

سمبوسة الجبن :

الطريقه:

علبة كبيره جبن كرفت مبشوره
كيس جبن مازارولا
نص كوب بصل اخضر مفروم ناعم
الطريقه:
تخلط جميعاً
وتحشى

سمبوسة بالبطاطا :

المقادير:

2بطاطس مقطع مكعبات
جبن كرافت مبشور
بقدونس مقطع صغار
شوي وفلفل اسود

الطريقه:
يقلى البطاطس في الزيت وتخلط جميع المقادير مع بعض وتحشى بها السمبوسه وتقلى في الزيت

تحياتي